搞泰國睇樓團 慘遭拖傭金 羅敏莊：我一蚊都冇收過！

羅敏莊去年用三百萬在泰國置業，計劃五年後移居當地過半退休生活，8月更開設fb專頁，做KOL介紹泰國樓盤，其實去年11月開始，她還親自帶團去泰國睇樓，近日就有團友爆料，指羅敏莊先後帶了兩個睇樓團，當中就有廿多團友成功在泰國買樓，令她大賺七位數字傭金。本刊記者向羅敏莊求證勁賺七位數傭金一事，她表現無奈:「唉！梗係冇啦！邊搵到錢？我諗佢哋(指地產公司)就賺好多，但我冇收過錢!佢哋成日話計畀我，但一路都冇，我一蚊都冇收過！」

 

撰文：東方新地

圖片：新傳媒圖片庫及網上圖片

 

羅敏莊 貼錢去泰國睇樓

 

因為喜歡泰國的關係，羅敏莊每年至少去當地旅行三四次，如同另一個家，去年更在泰國買樓，計劃五年後移民當地過半退休生活，亦開始成為泰國睇樓KOL，見她在fb專頁狂發po勁sell泰國樓，外人以為她靠賣樓賺到笑，但羅敏莊表示自己從來冇收過錢，反而是貼錢去泰國睇樓。

 

「我因為鍾意泰國，睇樓又係自己興趣，咁自己都有份睇，亦睇得好開心！」羅敏莊坦言是自己主動聯絡一間地產公司合作，叫對方畀樓盤她推介。「係我撩佢哋合作嘅，咁我係咪要攞曬啲佣呢？咁人哋都要搵員工follow嘅。我暫時只係帶咗兩個團，分別係上年11月同12月，我啲fans都有參加，佢哋同我講一團裡面有成12丶13個人撲槌買咗樓!佢哋問我點解唔收錢咁蠢，地產公司有話計畀我，但一路都冇畀，所以我一蚊都未收過。」

 

只係帶了兩次團，就成功為地產公司賣出多層樓，到底實際佣金收益有幾多，羅敏莊表示唔清楚。「發展商同地產公司點拆帳我唔知，總共賣出幾多層樓，真正數字我亦唔清楚！」

 

由 New Media Group Digital Services Limited 提供

羅敏莊

 

上年聖誕羅敏莊同老公陳國邦及囡囡一齊去泰國旅行，一家三口到曼谷的火車夜市吃喝玩樂。

由 New Media Group Digital Services Limited 提供

羅敏莊

 

羅敏莊plan好五年後移居泰國同老公過半退休生活，由於當地生活指數比香港低，當日羅敏莊同老公買咖啡同雪糕邊行邊食，都只需要45泰銖(折約港幣12元)，只係香港三分一使費。

 

由 New Media Group Digital Services Limited 提供

羅敏莊

 

羅敏莊坦言去泰國想生活化啲，每次都會留兩星期，每天瞓到自然醒，然後行嚇街食嚇嘢！老公亦被她感染愈嚟愈喜歡當地。

 

由 New Media Group Digital Services Limited 提供

羅敏莊

 

羅敏莊親自帶團到泰國睇樓，三日兩夜睇樓團，曾試過一日連睇6個樓盤，羅敏莊咁博，難怪銷售量驚人，帶兩團已經替地產公司賣出廿多個樓盤，發展潛力驚人！

 

決定唔再合作

 

不過羅敏莊已下決定，未來不再同那間地產公司合作。「我決定唔再同嗰間地產公司合作，佢哋之後有同我講分番佣畀我，想同我繼續合作落去;但我希望可以再做好啲，因為始終係用自己名義，要對團友負責。我唔想只係睇樓先照顧佢哋，舉個例說，因為我覺得間地產公司只係顧及團友買樓時嘅感受，但買完樓，散啦，就即刻走，完全冇理佢哋點離開，咁佢哋係做地產我亦好理解，而我希望對團友可以呵護多啲，唔係睇完樓就唔理佢哋點樣走，我希望幫佢哋安排好啲，至少搵車接送佢哋。」

 

由 New Media Group Digital Services Limited 提供

羅敏莊

 

好友梁奕倫，12月亦有跟羅敏莊去泰國睇樓，三日兩夜同團友一齊吃喝玩樂，梁奕倫更加落埋場孖羅敏莊拍片介紹泰國筍盤，但Mimi說梁奕倫是自費隨團，好唔話得。

 

由 New Media Group Digital Services Limited 提供

梁奕倫 羅敏莊

由 New Media Group Digital Services Limited 提供

羅敏莊

 

去年在fb專頁打正旗號賣廣告，羅敏莊更親自帶團去泰國睇樓，但原來至今未收過一蚊傭金。

由 New Media Group Digital Services Limited 提供

羅敏莊

 

羅敏莊拍片介紹樓盤，更360°環迴式拍攝，帶大家睇四周環境。

由 New Media Group Digital Services Limited 提供

羅敏莊

 

在Facebook開設「我要睇樓團」專頁，上年八月開始做泰國睇樓KOL，每次po文介紹泰國，羅敏莊都會細心逐一回覆每個網民留言，留言更一面倒對她讚口不絕。

 

做旅行社代言

 

羅敏莊表示已同一間大型旅行社傾妥合作，以代言人身份帶團。「我想貼心啲等佢哋覺得好似旅遊咁，唔係單係睇樓，成個trip要令佢哋有一種開心嘅感覺。」

 

成為KOL不足半年時間，已經成功建立泰國睇樓icon，但羅敏莊卻表示無意瞓身搞泰國地產:「我因為鍾意泰國，先開始睇當地嘅樓，想有自己夢寐以求嘅生活，我自己唔係好叻搞生意嘅人，我亦都唔係一定要賺好多錢，最緊要係自己過得開心，如果只為賺錢就唔會喺當地買樓啦！啲人成日話我點解唔用啲錢喺香港炒樓，我只係想以主持，Artist身份，帶人去當地睇樓，如果將來真係可以賺到錢，就當bonus！」

 

由 New Media Group Digital Services Limited 提供

羅敏莊

 

羅敏莊為移民鋪路，對泰國生活環境、娛樂，以至教育醫療都深入研究，早前就到泰國做牙齒藍光漂白。

由 New Media Group Digital Services Limited 提供

陳國邦 羅敏莊

 

因為在當地置業關係，陳國邦成功申請了當地銀行提款卡，加上之前買的物業已經放租，最近去泰國就可以將租金當使費。

由 New Media Group Digital Services Limited 提供

羅敏莊

 

羅敏莊鍾意泰國，因為消費指數比香港低好多，加上泰國好多設施亦已經好先進，只須使三分一價錢，就連羅媽媽亦不時跟孝順女去泰國玩。

由 New Media Group Digital Services Limited 提供

羅敏莊

 

羅敏莊去年將香港物業二按，一炮過以3百萬買下曼谷黃金地段實用面積800呎連家電豪宅單位，物業頂樓還有Sky pool，絕對係港人夢寐以求嘅理想居所。

 

由 New Media Group Digital Services Limited 提供

 

由 New Media Group Digital Services Limited 提供

 

羅敏莊：唔想囡囡有壓力

 

記 : 記者／羅 : 羅敏莊

 

記 : 係咪最開心係老公同囡囡受你感染，依家都咁鍾意泰國？

羅 : 當然！其實喺陳禛3歲開始，我已經成日帶佢去泰國玩，我哋自己去旅行，可能只係搵地方行嚇街咁，但小朋友係要有好多玩樂嘅地方，泰國有好多遊樂場，泳池，就連小朋友廁所都好靚，當 地人對小朋友又好有禮貌，始終小朋友嘅成長過程係好重要。

 

記 : 老公之前唔係咁贊成你喺泰國買樓？

羅 : 男人諗嘢係冇女人咁堅決，佢只係問得唔得㗎！始終要二按香港層樓，攞錢去嗰邊買樓，但呢幾次我哋一齊去泰國旅行，佢體驗咗嗰邊嘅生活，佢覺得係可行嘅！仲話都幾正！

 

記 : 囡囡依家係咪讀緊國際學校？

羅 : 係，因為國際學校功課會冇咁大壓力，咁嗰度有好多外國人，都唔會留意娛樂圈啲嘢，因為如果太過被關注，無論好定唔好，其實都會有一定嘅影響。

 

記 :想移民泰國，係咪為咗囡囡將來教育問題？

羅 : 自己唔揀傳統學校，都係唔想個女有太大功課壓力，嗰邊啲國際學校，同香港學費差唔多，但就唔似香港要先畀昂貴入場費！

 

記 :係咪幫囡囡喺泰國已經搵咗學校？

羅 : 都睇咗啲國際學校，嗰邊啲學校有湖，有網球場，係英籍老師，師資同學習環境都好好！

 

由 New Media Group Digital Services Limited 提供

羅敏莊 王君馨 陳禛

 

陳禛得意可愛又唱得，唔少人邀她演出，不過媽咪全部篩選過，上年12月，羅敏莊就帶同女兒返娘家 TVB演出《 流行經典50年》，當日陳禛更在化妝間派她父母自資錄製的新碟給家燕姐、王君馨及曹永廉等

由 New Media Group Digital Services Limited 提供

陳禛 羅敏莊

陳禛都有親自試玩泰國嘅playground！

 

 

 

 

3 張 由 New Media Group Digital Services Limited 提供            

 

陳禛 陳國邦 羅敏莊